भूतसँगको अन्तर्वार्ता (Horror Comedy)
अन्तर्वार्ता कसरी सुरू भयो ? थाहा पाउन तलको लिङ्कमा क्लिक गर्नुस:
सिधै अन्तर्वार्ता पढ्नका लागि यता माथि धेरै नअलमलिनुस् । तलको लाइनबाट पढ्न थाल्नुहोस्:
प्र: अनि भूतजी तपाईँहरूको नाम के हो? पालैपालो भनिदिनुस् न ।
उ: म भूतहरूको मुल "मूलभूत", यता अनु बहिनीको भूत "अनुभूत", आगोमा जलेको "राँकेभूत", बाँकेमा लडेको "बाँकेभूत", मौरीले टोकेको "वि-भूत" अनि मुड्कीले ठोकेको "पञ्च महाभूत" लगायत थूप्रै भूतहरू बस्छौँ यहाँ ।
प्र: अनि विभूतजी तपाईँको मृत्यु कसरी भयो? तपाईँ कसरी भूत बन्नुभयो?
उ: कोरोनाको समय थियो ।मौरीको चाकामा मौरीहरू एकैठाउँमा बसिरहेका थिए ।बिचराहरू टाँसिएर बस्दा एकआपसमा रोग सर्ला भनेर रोक्नका लागि चाकामा ढुङ्गाले हिर्काएँ ।फटाहाहरू एकहुल आएर मलाई नै टोकेर मारिदिए ।
प्र: अनि "मूलभूत" तपाईँको सुनाउनुस् न ।
उ: मान्छेहरू मलाई "तपाईँ त लामो रेसको घोडा हो" भन्दथे ।होला नि त भनेर दिनदिनै घाँस खान थाले ।पछि पाचनक्रिया बिग्रिएर मर्नुपर्यो ।
प्र: अनि "बाँकेभूत" तपाईँ कसरी यता आइपुग्नुभयो नि?
उ: हमार घर बाँके ।घरमा पानी नआउनाले ओसार्दा ओसार्दा थाकेँ ।बादमा एकजनाले मलाई भन्यो "एक थुकी सुकी, सय थुकी नदी" ।हाँ त मैले आफ्नो घर छेउमा ठूलो खाल्डो खनेर त्यसमा थुक्न थालेँ ।सयचोटी के हजारचोटी थुक्दा पनि पोखरी सम्म पनि बनेन ।बरू थुक्दै गर्दा खाल्डोमा परेर मरेँ ।
प्र: अँ साँच्चै! तपाईँकोमा यो किचकन्डी भूत पाइदैँन ?
उ: (भूतहरूको भिँडबाट एकजना महिला भूत आइपुग्नुभयो)मै हो हजुर! किचकन्डी भूत ।
प्र: तपाईँको बारेमा अलिकति खुलस्त पारिदिनुस् न।
उ: एकदिन म क्यान्डी चपाउँदै बाटो काटीरहेकी थिएँ ।अगाडिबाट अचानक एउटा गाडी आएर मलाई किचेर मार्यो ।त्यसैले मेरो नाम किचक्यान्डी भयो ।त्यही दुर्घटनामा परेर घाउभरी चोट भयो ।शरिरको अरू भाग त विस्तारै निको भयो तर खुट्टा चैँ अझै पनि उल्टोको उल्टै छ ।
उ: एकदिन म क्यान्डी चपाउँदै बाटो काटीरहेकी थिएँ ।अगाडिबाट अचानक एउटा गाडी आएर मलाई किचेर मार्यो ।त्यसैले मेरो नाम किचक्यान्डी भयो ।त्यही दुर्घटनामा परेर घाउभरी चोट भयो ।शरिरको अरू भाग त विस्तारै निको भयो तर खुट्टा चैँ अझै पनि उल्टोको उल्टै छ ।
प्र: अब नेक्स्ट क्वेसन । तपाईँहरू छ नि यो घरबाहिर झुन्ड्याएको कागती-खुर्सानीको झुप्पादेखि कति को डराउनुहुन्छ ?
उ: अति नै डर लाग्छ हजुर।(भूतहरूको हूलबाट एउटा नयाँ भूतले आवाज दिन्छ ।)
प्र: पख्नुस ।पहिला आफ्नो परिचय दिनुहोस् ।
उ: मेरो नाम अद्भुत ।गलफ्रेन्डले धोका दिएको हुनाले आत्महत्या गरेर बनेको भूत ।
प्र: किन डर लाग्छ त? तपाईँलाई कागती र खुर्सानीदेखि ?
उ: कागती र खुर्सानी देखि डर लाग्दैन हजुर ।
प्र: (अचम्म मान्दै) अघि डर लाग्छ भनेको हैन ?
उ: डर लाग्छ ।तर कागती-खुर्सानी देखि हैन ।तिनीहरूलाई झुन्ड्याएको डोरी देखेर ।म झुन्डेर मरेको मान्छे(भूत) , डोरी त के सानो धागोमा केही झुन्डाएको देख्दा पनि सातो जान्छ ।आफैँलाई झुन्डाएको झैँ लाग्छ ।
प्र: कस्तो भोक लाग्यो ।केही खानपिन गरेर अन्तर्वाता सुरु गरौँ न हुन्न ? अँ साँच्चै तपाईँ के-कस्तो खानेकुरा खानुहुन्छ ?
उ: हाम्रो भूत बँगालामा तीनवटा भान्सा छन् ।एउटामा भेज खाना पाइन्छ अर्कोमा नन-भेज खान पाइन्छ ।
प्र: अनि तेस्रो भान्सामा ?
उ: जसलाई केही खान मन छैन ।त्यो तेस्रो भान्सामा गएर बस्छ।
प्र: भेजमा के खानुहुन्छ?
उ: रातीराती अर्काको सातो खान्छौँ । बिहानचैँ दुधसँग सातु खान्छौँ ।
प्र: अनि नन-भेजमा ?
उ: नन-भेजमा मान्छेको मासु खान्छौँ ।
प्र: कस्तो मान्छे?
उ: फटाहा मान्छेहरू ।जस्तो कि तँ ।
म अत्तालिएर भाग्न खोज्दछु तर चारैतिरबाट भूतहरूले मलाई घेर्दछन् ।भूतहरू कराउँन थाल्छन् "विपतको घडीमा जनतालाई सहि समाचार दिन छाडेर बनावटी समाचार छापेर अफवाह र त्रास फैलाउने पत्रकार तैँ हैनस्? तलाईँ हामी त्यसै छोड्दैनौँ ।
"अबदेखि गर्दिन ।" म कराउन थाल्दछु ।"अबदेखि सधैँ सही समाचारमात्र सम्प्रेषण गर्नेछु ।बिन्ती छ ।मलाई छाडिदिनुस् ।"
" हैन ।के बर्बराइराखेको एकाबिहानै ।" श्रीमतीको आवाज आउँछ ।"छिटो उठ्नुहोस् "
हैट! सपना पो रैछ त ।"
ए भन्छन् भाग्यमानीको त हजुर भुतै कमारो ।
ए सपनामै भूतसँग बैठक समारो(ह) ।।
अब यहीँ बिसाउने , यही बिसाउने ।
लेख्या मनपरेन भनेनी कोही नरिसाउने ।।
https://youtu.be/akxT72AccvA
हैट! सपना पो रैछ त ।"
ए भन्छन् भाग्यमानीको त हजुर भुतै कमारो ।
ए सपनामै भूतसँग बैठक समारो(ह) ।।
अब यहीँ बिसाउने , यही बिसाउने ।
लेख्या मनपरेन भनेनी कोही नरिसाउने ।।
https://youtu.be/akxT72AccvA
Comments
Post a Comment
Do comment the positive and negative aspects of the blog for further improvement and encouragement.